متن نوحه ترکی چون دشت بلا منزل اولوب میرحجازه

چون دشت بلا منزل اولوب میرحجازه
زینب او زمان گؤزیاشینـا وئردی اجازه
عرض ایلدی قارداش ندن اولدون بیله دلگیر
تاپــدی نیــه رنــگ شریفــون بیله تغییر
نـه باعـث اولـوب آهـون ائـدر عـالمه تأثیر
                            کشف ایله کونول سرینی بو محرم رازه
وجهی ندی قارداش ساری گل‌تک سارالیبسان
مـن دربــدر عشقـی غـم و درده سـالیبسان
زینـب سنـه قـربـان نیـه بـو حـاله قالیبسان
                            آرتار سنه باخدیقجا غم اوستن غم تازه
بـو دشـت غـم افزادی مگـر عشق مناسی
بیـر اوزگـه هـوادیر گـورورم آب و هواسی
باشدان بولورم وار باشیمون چوخلی بلاسی
                                جان اول منزیلده نولور گئتسه گدازه
شــاه شهــدا آچــدی لب لعل گهـربـار
فرمایش ائدوب زینبه کی خواهر غمخوار
صحـرای بلادور بـو دولانمـاز بـورا اغیـار
                                 بیگانه‌نی قویمازلا گیره مجلس رازه
بوردا یاتاجاق قانه باجی گل کیمـی قانلار
ناحق یئره بوچولدن آخار سو کیمی قانلار
مین شوقلـه باشین وئری بوتازه جـوانلار
                         عریان قالی یئتمیش ایکی صدپاره جنازه
بو چولده باتار قانه گل سنبل اکبر
لیـلا اولــی دیوانـه برای دل اکبر
بـو نوعیلن آشفته اولور کاکل اکبر
                           عشق اهلی دوشر آرزوی دور و درازه
بـو یئـرده باتـار یاسـه باجی قـاسم آناسی
بیر گونده اولور اوغلونین آخر طوی و یاسی
دامادین اولور طوی گونی اوز قانی حناسی
                            حسرت قالـو بیچـاره گلین حجلۀ نازه
عباسی گـورورسن چکیلیب قـدی علم تک
هر درد و غمین بیر یانا ای باجی بو غم تک
ظلمیله دوشر قوللاری بیـر جفت قلـم تک
                             صدحیف او اوزون قده او بازوی درازه
وار اؤزگه مصیبت چوخ ائدر قلبـوه تاثیر
گلمــز دیلـه امـا ائــدرم رمـزیلـه تقریر
منــده دییــرم نیــزه‌ده آوازیـلـه تکبیر
                   باش‌سیز دورارام اونداکی قان ایچره نمازه
صـراف آت اوز نقـدوی کسـب زر دیـن ائت
بـول قدرینی یاز نـوحه سوزون درّ ثمین ائت
تأییـد حسین اولیمـه هـر کیمده یقین ائت
                      مشکلدی قلم صفحیه بیر کلمه‌نی یازه 
 

کربلا زمزمه سی 2 – صراف

متن نوحه ترکی داد او ساعتدن پیاده

داد او ساعتدن پیاده                      اولدی سلطان کربلاده
سسلدی گلسین عبّاس نامی
ایلسون بـوردا بَـر پا خیامی
بومکان کرب وبلا دور
تپـراقــی درد دوادور                      مـدفـن اهــل ولا دور
ثبت اولوب لوح قضاده 
فاطمـه قیزلاریـن ایلـه راحت 
راحت اولسونلا تا وقت غارت 
بوردا اون گون مهمانوک
روز عـاشـــورا روانــوک                   راهــی مُـلک فنانــوک
جنّتـــه قانلـی عبــاده
بیلمسین ماجرانی اوشاقلار 
زینبـی ایلــرم من خبــردار 
مشکـوی دولـدور بـرادر
صودامرشش ماهه اصغر                قالماسین تشنـه حرملر
بـاغـلا بــو امـره اِراده 
ایلدیم سُفلـه سُودا بو چولده
منصبون اولدی سقّا بو چولده 
آی منیم غیرتلی شیریم
ای منیـم مــاه منیریم                    من شهم سنده وزیریم
شهرتون واردی وفـاده 
سن منیــم باوفــا قــارداشیمسان 
سن یامان گون منیم یولداشیمسان
من گـرک دینـه وئـرم قـان
سنـده قـولسوز قـانه غلطان                     یتمیش‌اوچ لب تشنه قربان
محنتــون مـنــدن زیــاده 
نهـر علقمده قولسوز یاتارسان
دینین اوستونده قانه باتارسان
وئرمیشـم امضـاء نگاره
گلمسیـن یــارم شمـاره                       سـاحت پــروردگاره
پیکریم قالسین اَراده 
اُمّتیم یاد ائدیب آغلاسونلار 
بو محنده اورک داغلاسونلار

 

کربلا زمزمه سی- تبسمّی

متن نوحه ترکی یا حسین، بو صحرای پر بلایه خوش گلدون - کلامی زنجانی

یا حسین، بو صحرای پر بلایه خوش گلدون
کعبه‌دن صفــا گتدون کربلایه خوش گلدون
یا حسین حسین مظلوم
بو دیار پر غمدی، کوی حزن و ماتمدی
سال شصتـم هجـرت دوّم محــرّمدی
                        غملی حالدا کانون ابتلایه خوش گلدون
سیّدی بیله پوزقون دشت پرغمه باخما
آغلیان گوزون قربـان نهـر علقمه باخما
                      سو آخوب دیر آل مصطفایه خوش گلدون
وار باشوندا یا مولا بیلمورم نه هنگامه
گیتمدون بو موکبله شهر کوفه و شامه
                 فخر ایدور بو یرسنله نُه سمایه خوش گلدون
آخ گوروم بوصحراده عزّتون مدام اولسون
بو قبیلـه اهلنـدن جدیـوه سلام اولسون
                   اللّرون ئوپوب چاتدوخ مدّعایه خوش گلدون
ای سُلاله‌ی طاهــــا نـور دیــدۀ زهرا
هر سوزون اولا مولا امر ایله ایداخ اجرا
             رحمتون بوصحرایه سالدی سایه خوش گلدون

 

کربلا زمزمه سی- کلامی زنجانی                                                 

متن نوحه ترکی خوش گلوبسن کربلایه کربلایه یا حسین

خوش گلوبسن کربلایه کربلایه یا حسین
سرزمیـن پـربلایــه پربلایــه یـا حسین
                                             یا حسین و یا حسین و یا حسین
ای وئـرن امضـا بلایـه وعـدگاهوندی بوچول
قانلی سجّـاده آچاندا سجدگاهونـدی بوچول
ای‌منیم عطشان شهیدیم قتلگاهوندی بوچول
                                          جلوه آرتیر نینوایه، نینوایه یا حسین
شوریلـن بـو کربلانی جاودان قیل دلبـریم
دستمــاز آل بیـر نمـاز آرمان قیل دلبـریم
گُل لرونله بو کویـری گلستـان قیل دلبریم
                                   وئر صفا لطفونله بو دشت بلایه یا حسین
یتمیش‌ایکّی جان‌نثـاری دوزصفه مردانه تک
کارواندان سئچ گوزل عشّاقــووی دردانه تک
ئوزگه‌لر چیخسـون کناره دسته‌دن بیگانه تک
                                وئر شهادت مژده سین اهل وفایه یا حسین
محملون ساخلا مهیّا قیل بو چولده محفلون
حاضر اول سودای عشقه الده‌وار هر حاصلون
دسته گـل باغلا نگاره ‌وار اگـر غنچـون، گلون
                                 سات اونـی بازاریـده عالی بهایه یا حسین
طالبـم ای پاک فطرت پاک اولان احساسیوه
یاخشی قیمت وئررّم آخر سوسن‌وهم یاسیوه
رتبــۀ بــاب الرّجـا بـذل ایلــرم عبّــاسـیوه
                                  عشقیلن حافظ اگـر اولسـا لوایه یا حسین
صـودامر گلسه فغانه تز رباب ای وای دئسین
آلسون آغوشه رقیّـه اصغـره لای لای دئسین
شاهدان عشقیده یوخدورسنه‌بیرتای دئسین
                                  اصغریلن چون یتر عشقون بقایه یا حسین
 

کربلا زمزمه سی - حبیب

متن نوحه ترکی ای شیعه بو آی نظم سماوات پوزولدی

ای شیعه بو آی نظم سماوات پوزولدی
چون قـائمه عرش و حجابات پوزولدی
بو آیـدا دوشوب محنت و غم عالم آرایه
آز قالـدی که عالـم گیده ای شیعه فنایه
قـاره گِینوب چـون بـولونوب اهل ولایه
                                            بو امر که تهلیلده اثبات پوزولدی
گویـا ویریلـوب بـو خبــر عُبّاد جهانه
بو آیدا گرک گوز یاشی گلسون سَیَلانه
طاعتدو بو گوز یاشی گلـور بیله گمانه
                                     زاهده‌لر چون رونق طاعات پوزولدی
شیعه اولانون چشمی گرک قانیله دولسون
عِشرت گلی غمدن هامی آفـاقده سولسون
مستانـه خـراباتـده هـم بیـرخبـر اولسون
                                        بی پیر قالوب بزم خرابات پوزولدی

بیر قافله بیر حجّه طواف ایتدی بوآیدا
کیم عشقدی معشوقدی بو کعبه سراپا
اوز نفس‌لَرین ویردیله قـربان بیله گویا
                                             احرام منا رونق میقات پوزولدی
بیـر آینـه کیـم جلـوه‌لنـوردی لَمَعـاتی
عاشقلـره مأخوذیـدی حقـدن قَبَساتی
ایتمیشدی ظهـور اوندا خداوند صفاتی
                                      ظلمیله یتوب سنگ بومرآت پوزولدی
بـو حالت ایـدر شیعه‌نی زینب‌کیمی محزون
کیـم دورموشـودی خیمـه قباقنده اوخاتون
بیر یانه باخوب گورمدی قارداشین او مفتون
                                     بیریاندا هـم اوَّلکـی علامات پوزولدی
ناگه کـه قشون گوردی گلـور دسته‌به‌دسته
یغما ایچون الده دوتوب اود خیمه‌لر اوسته
سسلندی که وای اولدی امیدیم یولی بسته
                                    یوخسا ندوگیم نظم جماعات پوزولدی
یـوز قتلگهـه دوتــدی او محزونۀ افکار
سسلندی که آیا گوروسن یا خبـرون وار
کیم خیمه‌لره گلدی هـامـی قوم ستمکار
                                        اطفالدن الغـوث که حالات پوزولدی
بیر دمده که ایتمیشدی اوشه سجدۀ تعفیر
معشوقـه ایـدوب عاشق کامل سسی تأثیر
سسلندی حـزین لیک تاپوب حالتی تغییر
                                       بیر نوعیله کیم حالت ذرّات پوزولدی
بی‌طاقت اولوب چون سورونوب ایستدی گلسون
وقت اولـدی کـه طـاقت ایپی زینبدن اوزولسون
سویلـوب دگلـم بـو ایشـه راضی باجون اولسون
                                      گلمه داخی‌کیم زینت جنّات پوزولدی
اول وقتدن افغان که گوروب زینب مستور
بیـر نـور خداونـده اولوب نیزه باشی طور
مـات اولـدی کـه آیا نــدو بو نـورٌعلی‌نور
                               مِصباحدو بو یوخسا که مشکات پوزولدی
وَجـهُ‌الله و یا آیت حقـدور اوخـور آیت
دلـدار نواسیلـه قـوروب مَحفـل طاعت
زلفون داغدوب سویلدی برپادو نه آیت
                                        کیم دهرده صفحاتدن آیات پوزولدی
یازمـا داخی مـادح ایلمز خـامه کفـایت
البتّـه کـه بی‌اجـر دگـل ایتمـه شـکایت
سویلر سنه محشر گونی اول‌ شاه ولایت
                                     غم ایتمه که دیوان خطیئات پوزولدی

 

کربلا زمزمه سی 2 – حالی

متن نوحه ترکی حسینه یرلر آغلار گویلر آغلار - شهریار

«حسینه یرلر آغلار گویلر آغلار
بتول و مرتضی، پیغمبر آغلار»
                                                             دلریش

حسینون نوحـه‌سین «دلـریش» یـازاندا
کوراولمیش گوزلرین قان دوتدی شمرین
حسینــون کــؤیـنگــی زهــرا الینــده
آتــانـــدا حــرمـلــه اوخ کــربـــلاده
قـوجــاقینــدا، گــؤریــدیـن امّ لیـــلا
رباب، نیسگیل دؤشـونده سـوء گـؤرنده
باشینــدا کــاکــل اکبــــر هـــواسـی
یـازانـــدا آل طــه نوحـه‌سیــن مــن
علـی، شـقّ‌القمـر محـراب تیـلیـت قان
عـلیــدن، شهــریــار، سـن‌بیــر اشـاره                          مسلمـان سهلـدیـر کــه کــافـر آغـلار
کی گـؤروسـون اؤز الینـده خنجـر آغلار
چـکـر قیـحـا قیـامـت، محشـر آغـلار
گـؤریـدین دشمــن آغـلار، لشکـر آغلار
آلـیـب نــعـش علــیّ‌اکبـــر آغـــلار
علــیِّ‌اصغـــری یــاد ایـلـــر آغـــلار
یــل آغـلار، سنـبـل آغـلار، عنـبـر آغلار
قـلـم گـوردوم سیـزیلـدار، دفـتـر آغلار
قـولاق وئـر، مسجد اوخشـار منبر آغلار
قـوجـاقــلار قبـری، مالـک‌اشتـر آغـلار
 

کربلا زمزمه سی 2 – شهریار

متن نوحه ترکی دوتوب ماتم بو آی پیغمبر آغلار

دوتوب ماتم بو آی پیغمبر آغلار
دیر زهرا حسین وای حیدر آغلار
باتوب یاسه بـو آیدا کون و امکان
چیخوب عرشه بو آیدا داد و افغان
اولون شیعه بـو آیـدا سیزده نالان
                                       بو ماتم‌‌ده بتول اطهر آغلار
گـرک شیعه بو غمده داده گلسون
ویروب سس زینبه امداده گلسون
دمـادم آغلیـوب فریــاده گلسون
                                 بو غمده یئرلر آغلار گؤیلر آغلار
تؤکر صاحب زمان قانیاش عذاره
یئتـر غـم دمبـدم اول دلفــگاره
گلـر شـوریلـه هــر دم آه و زاره
                                 مدام اوز جدینّه اول سرور آغلار
بو آی چوخ ظلم ایدوبدور قوم کافر
باتوبـدور قانینــه شهــزداده اکبـر
اولـوب مجنـون غـم لیـلای مضطر
                              دیر ایوای اوغول اُول مضطر آغلار
بو آی زینب دوتوب دلدن شراره
اولـوب قـاسم وجـودی پاره‌پاره
آنـاسـی باغلیوبــدور باشـه قاره
                                   او قاره‌گون توکر اشگ تر آغلار
کسوب سو یولاریـن قـوم بداختر
سولوب سوز عطشدن غنچه گل‌لر
اَل اوسته اوخلانوبدور تشنه‌ اصغر
                                  اوخ آغلار یاره آغلار اصغر آغلار
بو آی اولـدن حسینین عالمی تار
بو آی جـان ویـردی عباس وفادار
سالوب قوللارینی سو اوسته اشرار
                   حسین وای قارداشیم وای سویلر آغلار
بو آی آغلار قالوبدور آل یاسین
باتوبـدور قانـه انصـار شه دین
اولـوب دشت بلا قانیله رنگین
                                 ایدوبدور قان ترابی احمر آغلار
بو آی زینب گرفتار غم اولدی
پیمبر گلشنی بو آیدا سولدی
دیـار کربــلا قانیــله دولدی
                           اوقاندان قانه دؤنموش دللر آغلار
بـو آی قـالـدی شـه لب تشنه یالقوز
یانوب دلدن او قارداشسیز اوغولسوز
وورولـدی قلبینـه بیــر تیــر دلـدوز
                                 او زخم تیـره زخم خنجر آغلار
حسینـی ییخـدی آتـدان اهـل کوفه
اولــوب آمــاج گـل جسمـی سُیوفه
دوشوب قان پرده‌سیندن گون کسوفه
                                       سپهر دینه ماه انور آغلار
دیموب قاتل حسین بی‌یـار و کسدی
قفــادن باشینـی لـب‌تشنـه کسدی
دوتولدی گون یوزی قـاره یِـل اسدی
                               بو حاله گویلر آغلار یئرلر آغلار
دوشوب گُل پیکری توپراقلار اوسته
گُل آچمیشـدی یارالار دسته دسته
گلـوب بیـر دستـه بلبل دلشکسته
                        ایدوب اول گل وجودی منظر آغلار

 

کربلا زمزمه سی 2 - تایب  

متن نوحه ترکی اولموشام مدّتدی قبروندن حسین دور آغلارام - حسینی

اولموشام مدّتدی قبروندن حسین دور آغلارام
اؤلـسم گـلّـم اورکــده وار بـو منظـور آغلارام
هر کس اولدی دهرده بیـر مه‌لقانون عاشقی
منده اولدوم بیر حسین بیر کربلانون عاشقی
رسمدور عاشق اولار نـی ‌تـک نوانون عاشقی
                     اولموشام سر پنجۀ عشقونده مقهور آغلارام
غصّـه‌دن قانیله دولموش گـؤگلومون پیمانه‌سی
اولموشام عشقونده من بیر نحویله غم خانه‌سی
آدیمی سسـلـر حسینیلـر حسیـن دیــوانه‌سی
                      ایلیوب عشقون منی دیوانه مشهور آغلارام
من گدا سن بیرجه شاهنشاه گردون بارگاه
گیزلین عشقیم وارسنه آگـه‌سن ای سرّالاه
گر گدا شاهه اولا عاشـق دگـول شاها گناه
               عشق جرم اولسا وارام جرمومده معذور آغلارام
من گنهکـاری آقـا درک ایتممیش پیک اجل
گوشۀ چشمیله بیـر لطـف ایله ای صبح ازل
یا منی اِیسته گلیم یا جان‌ویرن وقتیمده گل
                 گورسون عزرائیل الیمده واردی منشور آغلارام
گر منـی ایتسـه مَخَیّـر کـردگار ذوالمنن
کربلانی ایستوسن یا روضۀ رضوانی سن
ایسترم کربوبلانـی نیلـورم فردوسی من
                               قبروه قـالام مجاور تـا دم صور آغلارام
ایلـورم بیـر عمـر دور شش‌گـوشـه قبـرون آرزو
طوف ایدم قبرون قیلام اشگیله گردین شستشو
محشـره بـو خـدمتیلـه اَخـذ ایـدم بیــر آبـرو
                        اولماسام بو خدمته ای‌شاه مأمور آغلارام
بیرده گورسیدیم اگـر بالای سـرده دورموشام
کاسۀ چشمی سرشگ چشمیله دولدورموشام
اکبـره پـائیـن پــا ده بـزم مـاتـم قورموشام
               فاش ایدوب قویمام قالا بوعشق مستور آغلارام
رحـم ایلــه بـو بـی‌پنـاهیـن دیـدۀ گـریانینه
قویما ممزوج اولسون اشگ حسرتی دل قانینه
گؤگلوم ایستور قبرووی آند اُولسون اکبرجانینه
                     یئتمسم وصله گوزومده واردی تا نور آغلارام
نیلیــوم یتمـور الیـم ای شهـریــار مستظام
بوینی چگننده دوروب ویرّم اوزاقدان بیرسلام
السّلام ای جـان‌ویرن کـرب و بلاده تشنه‌کام
                           ایلـرم قبـرون مجسم زار و رنجور آغلارام
السّلام ای حق یولوندا جاه و عزّتدن گیچن
السّلام ای سو یرینه لخته لخته قـان ایچن
السّلام ای اوز الیلـه اوغلـونـا خلعت بیچن
                            وصل اکبردن ایدن لیلانی مهجور آغلارام
السّـلام ای سـو ویـرن قـانی ‌بلا صحـراسینه
السّـلام ای آدی زینـت هــر بــلا طغـراسنیه
السّلام ای غرق اولان کشتیسی قان دریاسینه
                      سالدی ساحلدن مخالفلر سنی دور آغلارام
السّلام ای ذات پـاک کـردگـارین مظهری
السّلام ای لفـظ ثـاراللهین عـالی مصدری
السّلام ای «وِتر مَوتورون» مترجم مضمری
                قان ایدوب گوزیاشیمی بیر «وِتر مَوتور» آغلارام
السّلام ای سو کنارینده لب عطشان جـان‌ویـرن
السّلام ای قوملار اوسته جسمی بی‌غسل و کفن
السّلام ای نیزه‌ده گـون تک‌ باشی شـامه گیدن
                     یاد ایدوب احوالووی ای نَحْری منحور آغلارام
السّلام ای مَصْرعی قـانیله دریا تک دولان
السّلام ای غسلی قانی توپراقی کافور اولان
السّلام ای نعشی اوسته زینبی زلفون یولان
                    زینب آدی آرتورور باشیمده مین شور آغلارام
مُلتجی دور بو «حسینی» یـا حسین آگاهسن
بیـر گدای رو سیـه دورسن سَخـی بیرشاهسن
ای «قَتیل العَبْره» اشگ چشمه خاطرخواهسن
                ایستورم سنلن اولام محشرده محشور آغلارام
 

کربلا زمزمه سی 2 - حسینی (سعدی زمان)

متن نوحه ترکی مــاه محرّمــده گلـر زهـرا نوایه - ستوده

مــاه محرّمــده گلـر زهـرا نوایه
                     دلده حسین وای یوز قویار کرب و بلایه
مــاه محــرّم                               گلدی عزیزان
باشلاندی یاس                        شـاه شهیدان
بو آیدا زهرا گلشنی دوندی خزانه
فردوسیـان قاره چکوب باغ جنانه
جـنّت عـزاخانه اولوب رضوانیانه
                          هم مصطفایه تسلیت هم مرتضایه
فـرمــان گلـــر خلاّقــدن روح الامینه
کرّوبیــان همـراه اولون بو شور و شینه
جنّ و لک ماتم دوتـون مظلوم حسینه
                دولسون حسین وای ناله‌سی‌عرش خدایه
بـو آی اولــوب لیـلا جوانی اِربـاً اِربـا
اکبر، حسین روح و روانـی، شبه طاها
سـردی عبانــی مقتلــه دلبنــد زهرا
                   یعنی اوغول نعشین حسین یغدی عبایه
آت دیرناقی قاسـم قانین تپراقه یاخدی
باسدی حسین آغوشینه عبّاسـه باخدی
سویلوب کمک ایله منه،گوزیاشی آخدی
                       گَل قاسمی حمل ایلیاق خیمه سرایه
بو آی پیمبـر عترتـی یاندی سوسوزدان
اصغر بوغازندان دگوب اوچ شعبه پیکان
نهر فرآت آخدی چوله اصغر ایچوب قان
                              بو آی ربابی گتدیلر نی تک نوایه
اصغر بو آی سوفکرینی باشدان آتوبدی
عبّـاس نـام‌آور بــو آی قانـه باتوبـدی
قـولسـوز کنـار نهـر علقمـده یاتوبـدی
                          امّ البنین آغلار بو آی مشگ و لوایه

 

کربلازمزمه سی- ستوده

متن نوحه ترکی آیل ای دل دیَـر عالـم - منادی

آیل ای دل
دیَـر عالـم                     دلِ غـافـل
هامی باهم                    گنه غم نواسی گلدی
آقامون عزاسی گلدی
گلدی محـرّم آیی- دنیـا دیر حسین وای
                      قاره چکوب بهشته- زهرا دیر حسین وای
مولا حسین حسین جان
گنه دلدن    اوجالور آه     باتوب عالم آه و وایه
                          کـه قطار    شـه خوبـان     یتشوبدی کربلایه
یتیشن دم     شـه عالم     آچوب اللرین دعایه
                       دیدی ناگه    شَهدِالله    اَله حق رضاسی گلدی
گلدی محرّم آیی- دنیا دیر حسین وای
                               قـاره چکوب بهشته- زهرا دیر حسین وای
مولا حسین حسین جان
دیله گلدی    دیدی عباس    آقاجان بو یرنه یردی
                     سنه قربان   که نیستان     قاباقیمدا جلوه‌گردی
اونا ناگه    بیوروب شه     او سنین نیزه‌لردی
                     ایشدوب بو   سوزی سقّا   گوزینه بُکاسی گلدی
گلدی محرّم آیی- دنیا دیر حسین وای
                               قـاره چکوب بهشته- زهرا دیر حسین وای
مولا حسین حسین جان
 

کربلا زمزمه سی - منادی

متن نوحه ترکی گینه ای شیعه‌لر ایلیون آه و نوا - بدرخانی

گینه ای شیعه‌لر     ایلیون آه و نوا
                         نصب ایدون هریره      پرچم ما عزا
عرض ائدون یکسره- تسلیت حیدره
یـا حسیـن جـان - یـا حسین جان
کربلا عشقینه        دایر ایدون هیئتی
                  آغلیـون صدقیلن     پاک ایلیون هیئتی
سعی ایدون دائماً حفظ ایلیون وحدتی
               ایستوسوز گرحسین    دردوزه ایتسون دوا
عرض ایدون ...
آغلیـون بـی‌ریا    عترت پیغمبـره
                      فـاطمـه آدوزی     ثبت ایلسون دفتره
ایستوسوزشادمان    عزم ایده‌سوزمحشره
                     قویمیون خوار اولا     نهضت کرب و بلا
عرض ایدون ...
کربلا عاشقی    حامی اولار مکتبه
                     فخـر ایدر فاطمه    بـذل ایلیـن منصبه
قلبینون سرّینی    فاش ایلیر زینبـه
                    چوخ مریضه خانم   لطف ایلیوبدور شفا
سائلـه یوخ دیمـز- ناامید ایلمز
یا حسین جان- یا حسین جان
او خانم غم چکوب    اگمدی باش ذلَّته
                       قویمادی دشمنی    ضربه ویرا نهضته
بیر یانـان خیمـه‌ده    بانی اولوب هیئته
                       اوّلین شخصیدی    خیمیه چکدی قرا
قوردی بیر هیئتی- ساخلادی نهضتی
یا حسیـن جـان- یــا حسیـن جـان

 

کربلا زمزمه سی - بدرخانی

متن نوحه ترکی ای روحه صفا آی قارداش - باکی

ای روحه صفا آی قارداش                      ای درده دوا آی قارداش
 دایان ای پنـاهیم         قبله‌گاهیم        زینبی دیندیر
نجه‌گور اوجالموش       سوز آهیم         زینبی دیندیر
مهلاً مهلاً               یابن الزهرا

بیلوسن سنـون تک زینبـون وارستـه دور قـادراش
بوجهاندا جَهدیم دائمـاً حـقّ اوستــه‌ دور قـارداش
داخی ای امیدیـم ذوالجناحـی ساخـلا بیــر یولدا
گوروسن قاچانمور زینبون چوخ خسته‌دور قارداش
مهلاً مهلاً             یابن الزهرا
ای شیرخدا فرزندی                                ای فاطمه‌نون دلبندی
گیدوسن      بوخُردا قیزلارین بیرده        دانشدیر گیت
بو ربابی قارداش     سن سوئیلان       بیرباریشدیر گیت
مهلاً مهلاً             یابن الزهرا

سنی بو منایه جذبـۀ عشقـون خدا چکدی
بیلورم وصـال عاشق یانینندا چوخ مبارکدی
نیه گیدون ای شاه جهان سن کهنه پیراهن
منی دیده گریان ایلین قارداش بو کوینکدی
مهلاً مهلاً             یابن الزهرا
ای مست لقای سبحان                           وی ذکر لبی الرّحمن
گتورور دمادم       روحیوی       عشق خدا       وَجده
آپارور سنی       شوق وصالِ          آخرین سجده
مهلاً مهلاً             یابن الزهرا

گــورورم شهادت نــوری آندونــدا هویـدادی
یـوزوی دولاندیرمـــا باجـون گـرم تماشـادی
سینه‌مه الون قوی تاب‌وتبدن دینجلیم قارداش
بیلــورم بــو اللّـــر شافــــی درد مسیحادی
مهلاً مهلاً             یابن الزهرا

 

کربلا زمزمه سی - باکی

متن نوحه ترکی بیگانه تک گتمه دایـان باوفــا قارداش - هادی اردبیلی

بیگانه تک گتمه دایـان باوفــا قارداش
دوش مرکبوندن زینبی قیل دعا قارداش                        با صفـا قــارداش
دوش یولا قارداش
سرعتلن- سن گتمه        زینبی- ترک ایتمه
قلبیـم چـالیخلـور یاره‌لـی قوشـلارا بنـذر
گویا هُما تک سینه‌دن ایستور آچسون پر
سن بیـر الـون قوی سینمه ای گُـل حیدر
اولسـون الـون دل دردیمـه آشنا قارداش                        سینــه ده تتـرر
هی ویـرار شهپر
بـی‌کمـک رهبـر
قیل دوا قارداش
دنیاده من تک یاحسین باغری‌قان اولماز
غملـر النـــدن زینبــه بیــر امـان اولماز
سن‌سیـز بـوبیکس قیزلارا بیرمکان اولماز
گتسـون اقلاً فکـر ایلـه قــزلارا قـارداش
                    قلبـی قـان اولماز
هم زبـان اولـمـاز
آشیــان اولـمــاز
گئت‌صورا قارداش
من زینبـم آتدیـم حسیـن کُـلّ دنیانی
دوتدوم او عالملر دوتـان قانلی دامانی
لطفیکه ایلیردون منه ایندی بس هانی
ایستـور سنـی منـدن آلا کربلا قارداش                           فاطمه جانی
که آخور قانی
ای وفـا کانی
نینوا قارداش
گتسـون اگـر قالدی ملر خسته جیرانلار
رحـم ایلمـــز آل الَلَهــه رذل و نادانـلار
رخساره مرجان تک‌توکـوراشگی مژگانلار
اهـل حـرم ایلــر منــه التجــا قارداش                           یـرده قـربانـلار
اهـل طغیانـلار
فـوج نـالانــلار
ویر ندا قارداش
گیت گوزلیـــور حتمـاً آنام حضـرت زهرا
سیراب ایـده لب تشنـه سـن سرور بطحا
ویرمـور سنه هئـچ ویرمَسـون سوفنا دنیا
شمر ایلسون سو ویرمه‌دن امتناء قارداش                       قـوی منی تنهـا
عـدنیـده زهـرا
گوزلیــور حـورا
منع ماء قارداش

 

کربلا زمزمه سی - هادی اردبیلی

متن شعر ترکی آغلامـا ای گلشن عشقـه هـزاره قـوی گیدوم - صادقی تبریزی

آغلامـا ای گلشن عشقـه هـزاره قـوی گیدوم
دوش قوجاقیمدن یره ای ماهپاره قوی گیدوم
آز یاپشدیر سینه‌مه سوزیله یانمیش سینه‌نی
چک دوداقیمدان دوداقون بیله یاندیرما منی
من سنه بیـر بوسه بوشلی شامیده گورّم سنی
                       اوپ نه‌قدری اوردا اوپسون یاره‌یاره قوی گیدوم
باخما سنّون خـردادور ای آهوی حلّ و حرم
من سنه زهرا گوزونده باخمشام هر بیر قدم
آغلیاندا سـن دوشـور یـادیمه یثربده او دم
                             آغلیوردی فاطمه دلده شراره قوی گیدوم
حیـدره خاطـر دالیجا مسجده قاچدی نه‌نم
سنـده گلدون منـدن اوتری قلبده درد و اَلم
سن منیم خردا آنامسان من گرک آتدان اَنَم
                       حرمتون واجبدی زهرا تک بو زاره قوی گیدوم
اینـدیدن عمّن کیمی اورگش فـراقه گیت بالا
دوش قوجاقیمدن سونه سوز علاقه گیت بالا
اللّها خـاطـر سنـی آلـدیم قوجـاقه گیت بالا
                    آغلیوب چوخ سالما بابانی فشاره قوی گیدیم
هامّوزی تاپشورموشام اللّهه من تک تک قیزیم
سن بلورسن که آنام گوزلور منی گویچک قیزیم
الّی ایلدی حسـرتم زهرایـه سن اَل چک قیزیم
                   رحم ایله گوزیاشیمه باخ انکساره قوی گیدیم

 

کربلا زمزمه سی - صادقی تبریزی

متن نوحه ترکی گل اورک گلدی درده زینب - ولی خانی

گل اورک گلدی درده زینب
قارداشیوا دویونجا بیربـاخ                       رهسپـارم نبــرده زینب
آخـرین لحظه‌لرده زینب
ای آنـام باجـی آغلامــا گئتملیم
منی یول اوسته ساخلاما گئتملیم
آغلاما یا زینب (2)
ای حسینـون اَنیس جانی
اَکبرینــدن صـورا حسینه                   اللّی دورد ایلده پشتبانی
آجی اولــدی بـو زندگانی
اَکبریمــی سُـراخلامـــا گئتملیم
منی یول اوسته ساخلاما گئتملیم
قیــل کمــک آل بـو تــرابـه
هامّودان چوخ تسلّی‌وئر، سن                      قـویما دوشسونله اضطـرابه
اوغــلی اَلـدن گئــدن رُبابه
یولــومی باجـی باغلامـا گئتملیم
منی یول اوسته ساخلاما گئتملیم
قتلگاهـه گلنــده صبرائت
ناقه‌ده سن، یـارالی باشیم                 پیکریمی گورنـده صبرائت
نیزه اوسته گزنده صبرائت
صبـر ائلـه سیـنه داغلاما گئتملیم
منی یول اوسته ساخلاما گئتملیم
آغلاما یا زینب (2)

کربلا زمزمه سی - ولی خانی

متن نوحه ترکی امیدیم ای مـاه ولا یــارالی سلطان - داور

امیدیم ای مـاه ولا یــارالی سلطان 
                       مسافریم دایان بیرآز گر اولسا امکان
ئورک‌قان اولـوب- بـاجین سارالوب 
                          تلسمــه بـــو قــانـلـی منــاده
گَل ایله کَرَم- شریک غمم 
سنیـلـه بــو دار بــلاده 
حسین حسین حسین حسین
سالوبدی درده آیریلیق امان حسینیم 
                   ایدوبدی سرو قدّیمی کمـان حسینیم 
نواده نی مثالی جسم و جان حسینیم 
                    گلور دالونجـا زینبون دایان حسینیم 
اولوبدی عیان- جفای زمان 
سـراســر کــرب و بـلاده 
دانش ئولـرم- سنی سُوَرم 
سنیـلـه وارام بــو بـلاده 
اگرچه یازدا گورموشم خـزانی قارداش 
                 واریمدی بیر سوزم سنه نهانی قارداش 
اجازه ویرسن ای آنـام نشانی قارداش 
                  ئوپوم آنام دین یری بـو آنی قارداش 
بیر آنی دایـان- حسینیم اینان 
قوجالـدی بـو زیــنب نـالان 
توان آزالوب- باجون سارالوب 
تـاپولمـادی دردیمــه درمان 
امید زینب ای سوسوز یارالی سلطان 
                      مسافریم دایان بیرآز گر اولسا امکان 
نه قدری پـا پیـاده من گلیم شتابان 
                       گلوبـدی فاطمـه آنـام بو دشته الان
صفای اورک-گل ایله کمک 
اپـوم حسینیـم ایـاقــون 
عنـایت ایله- محبت ایلـه 
اپـوم بوتشنـه دوداقـون 
 

کربلا زمزمه سی - داور

متن نوحه ترکی وقت ظهر اولوب ایستورم گئدم - صادقی تبریزی

وقت ظهر اولوب ایستورم گئدم
صبـر ائلـه وفـا پروریــم باجی
گئـت او کهنـه پیـراهنی گتـور
سـال یـولا منـی یـاوریم باجی
شه سـوار اولانـدا بو رسمیــدور                            صـاحب لواسـی علم دوتــار
باشیم اوسته یوخدور علم دوتان              ای بتـولـه عـالمــده یادگـار
سـن منیـم علمداریم اول باجـی              قـانلی پرچمی آچ اولوم سوار
نیلیوم که سرلشگریم ئولوب
قانینـه باتـوب اکبـریم باجی
لشگریم باتوب قـانه سربه سر                            نهرین اوسته سرلشگریم ئولوب
ذوالجناحیمی حاضرائت باجی              ال دوتان گئدوب یاوریم ئولوب
سن ئـوزون حسینی سوار ائله              گلمـوری دیزیـم اکبـریم ئولوب
تک قویوبدی بو عرصه‌ده منی
عون و فضلیله جعفـریم باجی
سـویموشام عـلایق لبــاسینی                            دوتمـوشـام ره حـی ذوالمنــی
رهسپـــار کـــوی شهـــادتم              قــزلارا کفیـل ایلــورم سنـــی
هر خیالی من باشدان آتمشام              مختصـر رقیّـه پـوزوب منـــی
جان سنون باجی جان رقیّه‌مون
چوخ گرامیــدور دختریـم باجی
دوزدی کـه دیه‌لّــر زمانـه‌ده                            قالدی بیــرده دیــدار محشـره
کوفــه‌ده ولـی گوزلرم سنـی              نیـــزه اوستــه گلّـم بــرابــره
بـو گجــه قوناقـم تنوریــده              وار کـول اوسته بیر آیری منظره
فاطمــه گلــر حالیمـــی بیلـر
کولّلر اوستی دور بستریم باجی

کربلا زمزمه سی - صادقی تبریزی

متن نوحه ترکی جدیوون قالدی دینون اوستونده - عینی فرد زنجانی

جدیوون قالدی دینون اوستونده                          نعشی میداندا یابن العسکری
اَل نمازینـــدن چکمــدی زینب              ایلـه طوفانـدا یا بن العسگری
آجرک الله یابن ثارالله
جمع اولـوب لشگـر فرقـۀ کافر                          اُلدوروب جدّون تشنه چوللرده
فاطمـه حاضـر ایلیـن کوینـک              اوخلانـوب غـارت اولدی اللرده
نهضتی قاندور تربتـی قانــدور                     کـربلا آدی قالـــــدی دللـرده
مکتب اسلام اولدی مستحکم
محو اولوب کِید قـوم عدواندا
سبــط طاهـانــــی روح قـرآنـی                          ایتدیلـر دعــوت کوفیان یکسر
سندیروب بیعت چوخلاری قاچدی              ایلــدی تهدیــد حاکـم کافــر
قویــدولار تنهـــا شـــاه بطحانی              آغلادی زهـرا گورسنوب محشر
قاننــه باتــدی خلقـی آغلاتـدی
غرق اولوب جدّون عشقیلن قاندا

قتلگاهینـــدن سس گلــور الان                          زنده بـاد اســلام زنـده بـاد قرآن
ایلــــدون احیــا امـــر قـرآنی              تشنه لب ویردون نخل دینـه قان
یـا حسیـن سسلـور اُمـت شیعه              نهضتـــون ایلـور عالمـــه اعلان
زنده‌ دور مکتب واردی چون زینب
صحبتی طوفـان سالـدی هر یاندا

 

کربلا زمزمه سی - عینی‌فرد زنجانی

متن نوحه ترکی قارداش‌نیزه‌لرآلتندا حق‌اُستونده چخیب‌جانون - عینی فرد زنجانی

قارداش‌نیزه‌لرآلتندا حق‌اُستونده چخیب‌جانون
اِحیــا ایلـدی قرآنـی مقتلـده توکولـن قانون
هنـوز آخـورقانون
دیور مـواظب اول                              سوسوز بوغازوندان
بشـــر نمـازوندان
یاتمــا قانلی بیابانـدا باشسیـز پیکریلن قارداش
پاره‌ پاره اولوب جسمون تیر و خنجریلن قارداش
سینمام دشمنی سنـدیرّام قاره معجریلن قارداش
باشون آردیجا من گلّم قـارداش دشت و بیابانون
بلــه اولــور روشـن
حفاظت ایتسین زن                                بـو انقلابـونـدن
گـرک حجـابندن
سن‌ تک جان‌ ویرن عالمده نه‌ اولدی نه‌ اولار قارداش
هیچ‌گُل‌سن‌کیمی‌گلشنده نه‌صـولدی نه‌صولارقارداش
سن‌ تک ریشۀ کفّــاری نه‌ یولدی نه‌ یـولار قـارداش
چخمـاز یـاددان آنـام جـانی بو غـوغا و بو طوفانون
وجودون عشق اولدی
حسیـن آدون ایلـوب                                شـرفـلی انسـانه
بـو خلقی دیوانه

عاشق یازمارام ای‌ زهرا اوغلی من‌ سنی عالمده
عشق عاشقدی سنه‌قارداش الله‌خلق ایلین‌دمده
سن‌ گوشوارۀ عرش‌ اولدون عرش ربّ معظّمده
الله ایلیه جـک رسوا تحقیـر ایلسـه کیم قانون
بو قاره پرچملــر
یـزیدیان سیندی                                همیشه‌لق قالدی
حسینیـان قالدی
قـاتل‌کسدی سوسوزباشون دریـااولـدی سرافکنده
قـانـون آخـدی بیابانـدا صحرا اولــدی سرافکنده
عـریان‌یرده قالوب‌ جسمـون دنیا اولدی سرافکنده
دین باشین اوجالاندیردون زیبا دوشدی بوپیمانون
بو کربلا دشتی
ئورکلره سالدی                                  اولوبدی دانشگاه
محبتــــون الله
آدم خلق اولونـان گونلر دنیاده سنـه آغلاردی
وجدانی اولان انسانلار اِخفــاده سنه آغلاردی
موسی‌ده سنه آغلاردی‌عیسی ده‌سنه آغلاردی
ساخلار زنده بو عالمـده آدون‌ خالق سبحانون
آدون قویان شیعه
سـرشگینی دائـم                            سنه حسین آغلار
عــذارینـه بـاغلار

 

کربلا زمزمه سی - عینی‌فرد زنجانی

متن نوحه ترکی سالسالار سو صحبتین عبّاسه آغلار گوزلریم - عینی فرد زنجانی

سالسالار سو صحبتین عبّاسه آغلار گوزلریم 
یـاد ایـدر شخصیّتین عبّاسه آغلار گوزلریم 
کربـلا دشتینده سالدی غُلغله سو صحبتی 
خیمه‌گاهه باغلاناندا سو چوخالدی قیمتی 
اُلدوره سـوز عطش آز قالدی آل عـصمتی 
                                     یاد ایدور اول ساعتین عباسه آغلار گوزلریم

ساقی لب تشنه‌گان باخدی سارالمش گللره 
بوش قالوبدی مشگلر گلدی گران سرلشگره 
آدی سقّادی، ولـی تاپمور سو دلسیز اصغره 
                                           قیل تصوّر غیرتین عباسه آغلار گوزلریم

بعضیسی ایلور سوسوزدان خیمه‌لر سمتنده غشّ 
بعضیسی سسلـور منی یاندیردی بو سوز عطش 
چـاره تـاپمـور قــزلارا آغلـور ولی اول مـاه وش 
                                         درک ایدنده رقّتین عباسه آغلار گوزلریم 

ایوای عباسین آدی سقّـادی سقّاده سو یـوخ 
بو سِمَت کرب و بلا سـردارینی آغلاتدی چوخ 
العطش صوتی اونون قلبین دلوبدور مثل اوخ 
                                       آلدی صبر و طاقتین عباسه آغلار گـوزلریم

کیـم گـورور عبّـاسی تـزتـز لبلرینـده سـو دیور 
آز قالور اُولسون سوسوزدان بیر سوری آهو دیور 
قزلارین آخمش گوزی اولـدوزکیمی سوسو دیور 
                                   غم ساراتمش صورتین عباسه آغلار گوزلریم 

 

کربلا زمزمه سی - عینی‌فرد زنجانی

متن نوحه ترکی قـزلار ابـوالفضلـه پنــاهنــده‌دی - سایل

قـزلار ابـوالفضلـه پنــاهنــده‌دی 
حیف اولایوخدور سویی‌شرمنده‌دی 
تتـرور غضبدن – یـوخ اذن میدان 
                        آغلور بشیکده – اصغر سوسوزدان

غُصّـه ابـوالفضلی گتـوردی دیله 
اِذن جهــادی گتـــوره تــا الـه 
گلدی حضور شه چـوخ عجزیلـه 
عرض ایلدی سیّدی گل لطف‌ایله 
قـوی منـی چـاره ایلیوم مشگله 
                              سو گتورم اذن فقط سنده‌دی 

ای اولان الله ایوینـون محـرمی 
واله ایدوم قـوی اوزومـه عالمی 
فتــح ایلیـوم قدرتیلـه علقمـی 
نهـر فرات اوسته ویروم پرچمی 
شایـد آپاردیـم اورگیمـدن غمی 
                             خیمه‌لره گلسه سو ارزنده‌دی 

قوی منی سن مست می یار اولوم 
دین خـداونده بـوگـون یـار اولوم 
جنگـه گیـدوم حیـدر کــرّار اولوم 
ال ویـروم السیز من علمـدار اولوم 
رُتبـه تاپـوم جعفــر طیّــار اولوم 
                           جعفرین اوصافی یقین منده‌دی 

اهـل حـرم چون منـی سقّا بیلور 
علت اودور خیمـه‌مـه بیربیر گلور 
سـو سـوراقنـدا بـالا قـزلار ملـور 
قلبنـی غـم تیــری ربـابیـن دلور 
هی بشیگون اصغرینون سیلکه‌لور 
                                 سو تاپابلمور آنا درمانده‌دی
 

کربلا زمزمه سی - سائل

متن شعر ترکی گل ابوالفضلیم هرایـه غارتـه ال آچدی لشگر - ستوده

گل ابوالفضلیم هرایـه غارتـه ال آچدی لشگر
خیمه‌گاهه اود وروبلار قالموشوق بی‌یار و یاور
یاندوروب خرگـاه شاهـی غارت ایتدی قوم اوباش
قمچی‌لر آلتندا یاندوم هارداسان ایستکلی قارداش
قـوللارون قربانی اولاّم قالمیوبـدی یـار و یولداش
                                       من سنی امداد ایدنده چوخ ویرور قوم ستمگر
نهر علقمده باتوب آی قارداش اولـدوزلار داغلیدی
قتل و غارت قورخوسوندان چوللره قیزلار داغلیدی
ای رشادت کانی قارداش گل آدامسیـزلار داغلیدی
                                         تلّین اوستونـده علم‌ویـر یغ اوشلاقلاری برادر
بوهمان‌زینبدی قارداش چخمازیدون سن سوزوندن
سن آنام باجی دیـردون، من ئوپردوم یوز گوزوندن
کوفیـان اینــدی ورولاّر سیلـی قیـزلاریـن یوزوندن
                                         غـارت اولـدی گوشواره گیتدی یغمایه حرملر
اود دوشوبدی‌گلستانه اود دوتوب گُل اودلانور گَل
خیمه‌لردن دود و آتـش عـرشــه نالـه قوزانور گَل
باغبان باشسیز دوشوبدی گُللــری اوددا یـانور گَل
                                    گلشن دین یاندی قارداش غنچه گُللر اولدی پرپر
غـارت ایلـور اهل کینـه معجـر و زیب و لباسی
اللرینــده تازیانــه گـوزلرینــده یــوخ حیاسی
گاهــواره غـارت اولدی اصغـرین یاندی آناسی
                                کیمسه‌یوخ امداده یتسون قالموشوق بی‌یارومضطر
اللّری باشدا حرملر یـوز قویوب صحرایه قارداش
تازیانه گـه ربابــه گه دگـــور لیلایـــه قارداش
اِعتنــا ایتمور جماعت صـوت واویلایـه قارداش
                                         اولسـا امکانـون گلنـده ایـت مهیا قاره معجر

کربلا زمزمه سی - ستوده