شجاعت حضرت ابوالفضل علیه السلام
اوجالوبدور عرشه فغان
سسلورهامی ای داد و امان
صحرای بلاده
النور گـویدن یـره قان نعـره چکـور القـانه بـاتـان
اول قانلی مناده
کیمدور بو دلاور
روبه‌لــره گویــا سسلور اوجا تکبیر
حملـه ایلیـور شیر
باخون عرصـه‌ده قیامت ایلیوب به پا ابوالفضل
سالوب عرصه‌گاهه طوفان یَل کربـلا ابـوالفضل
باب الحوائج ابوالفضل
توکور اوت شمشیری اونون
دیلده اوجا تکبیری اونون
وحشت یارادوبدی
وار ایکــی بـازوسـی رَسـا الله اونـی بـاشدان ایاقــا
غیرت یارادوبدی
گویا که چکوبدی
خشمیله گُلور تـا شمشیرینی حیدر
فتـح ایلیـه خیبر
چاغیروردی تلّون اوستن باجیسی اخا ابوالفضل
باجـون ای یَـل سـرافراز آدیـوا فـدا ابوالفضـل
یوز قویور هر سمته آقا
بـر هـم دیـور اشـرار دغا
فاتح چیخوب عباس
قاباقینــدا کیـم دایانار واضحدی که قانه بویانار
مارد یخوب عباس
فــن و حـرکاتـی
وارکیمده بوجرئت حیـدر سیـاقینـدا
دورسون قاباقیندا
حقِ ذوالجلالـه دلـدن ایـدوب اِتّکا ابوالفضل
هامی اهل ظلم‌و جوری ایلیوب فنا ابوالفضل
یَـل یـلِ بی واهمه دی
ذکـر لبـی یـــا فاطمه دی
سقّای غیورین
باشـلارین پیکردن آلور هی نعشیدی تپراقه سالور
کفّار شرورین
میـــدان جدلــــده
سعداوغلی قالوب مات صفلـر پوزولوبـدی
لشگـر پوزولوبـدی
اوجالوبدی هر طرفدن گویه صوت یا ابوالفضل
باخوب عرشیدن ملکلر دیدی مرحبـا ابوالفضل
باب الحوائج ابوالفضل
کربلا زمزمه سی - ناعمی
