ویـرن الله یولونـدا جـان اباالفضل
سالان ای عالمه طوفـان ابـاالفضل
بوگون عزّت سنون شوکت سنوندی
محبـت ملکنـه سلطـان ابـاالفضل
ایسته عاشقلـرون – حقّه لایقلرون
ایله سین جان سنه- قربان اباالفضل
امیـریم سن نظـر کــرده اوغولسان
اوغـولاّر ایچـره سـر کرده اوغولسان
علی اوغلی سن اُول مرده اوغولسان
کی‌وار اوندا یَد یزدان اباالفضل
جمالون اوخشادوب عارفلر آیه
ولـی‌وار هانسی آیدا بیله مایه
هُما سالمـاز یره ساینـده سایه
صفای عالم امکان اباالفضل
اولان ای آشنـــا هـــر نـاشناسه
قیـاس اولمـاز جلالون اوزگه ناسه
وجودوندور بوتون عشق وحماسه
شعـار ملّت قرآن اباالفضل
گوزون آچ گورنه طوفان ایلیوبسن
آدون هـر دلـده عنـوان ایلیوبسن
نـه کـافـرلـر مسلمـان ایلیـوبسن
نه بی‌دین‌لر که با ایمان اباالفضل
ویروب باش بسکه سندن چوخ کرامت
آلــور سنــدن مسیحی لـرده حـاجت
سنــــه وار خلقــده جـانــدان ارادت
چه دانا حقّه چه نادان اباالفضل
مریـد عشقــوم عشقیـم سـن عباس
یازام هر مشقی سرمشقیم سن عباس
منیم عشقیم منیم مشقیم سن عباس
آدیوا یادیوا قربان اباالفضل
کربلا زمزمه سی - ساکت
