حسین علمداری دوشدی طوفانه
یوزون دولاندیردی شاه عطشانه
دیدی منیم شهریاریم آی قارداش
کـرامـت ایلـه بـو قلبـی سـوزانه
باشیم دوشوبدی- بلایه تز گَل- ئولور علمدارون
علـم یاتوبـدی- هـرایه تز گَل- ئولور علمدارون
رهبریم قارداش، دلبریم قارداش
قانیلن دؤلدی، گوزلریم قارداش
مولا، مولا مولا، مولا
مسیـر عشقـون سِیـر اِلیَ الَّهِدی
منیم غمیمدن دئیـم کیـم آگهدی
بتـولی گـوردوم دوروب کناریمده
دوشنده آتدان چاغیردی یا مهدی
من سوروننده- دیـوردی زهرا- یارالی اوغلوم وای
زحمته دوشدون- حسینه سقّا- وفالی اوغلوم وای
رهبریم قارداش ...
ولــی گورنـده گُـوزوم او رخساری
اولوبدی غمدن گوزومده قان جاری
باخانـدا دقتلــه یـاحسین گوردوم
واریــدی صورتــده سیلــی آثاری
بو غم هراسین- ایلدی طوفان- آه و نواسیندن
ویراندا سینه- آخـوردی قانی- سینه یاراسیندن
رهبریم قارداش ...
قولون کـرامتله بالش ایلوردی
منی ننم تـک نوازش ایلوردی
محبتیلن دیوردی جان اوغلوم
منه بو نوعی سفارش ایلوردی
حسینی بی‌کَس-قویـوب بوچؤلده- گئتمه ابوالفضلیم
بالام سوسوزدی- سؤلوب بو چؤلده- گئتمه ابوالفضلیم
رهبریم قارداش ...
کربلا زمزمه سی - خادم
