خیمه‌لـرده اَلی قوینونـدا دایانما گَل حسین
سنه بیرخوش‌خبریم واردی‌یوبانماگَل‌حسین
اورگیـم داده گلـوب گـور نـه فـریاده گلوب
مژده ویرقارداش‌حسین غملی زهراده گلوب
بـو قـدر تـوکمه دیـدی صـورتـوه گوزیـاشوی
بـاخور السّاعه بـو دشمـن یـره قـویمـا باشوی
منه امر ایتدی چاغور گلسون اوغول قارداشوی
من سنـون سِرداشوام غم گونی یولداشیوم
گوزلریم یولدا قالوب گل حسین، قارداشوام
گل حسین سدّ ایلدی دشمن دین یولاّریمی
سـرو آزاده کیمین کسـدی عدو خوللاّریمی
اصغرون عشقینه ویردیم بو اوزون قولاّریمی
دیمـه هیـچ یاوریــوم دیمـه ســرلشگروم
قوی‌هامی‌بیلسون‌حسین من سنون نوکروم
حیـف اولا خـون دلی قـاتدی فلک اشگ‌‌تره
سـویوم اولسیدی اگـر بـاخمازدیم دور و بره
سورونردیم یوزوم اوستونده حسین خیمه‌لره
طفل نالانه گوره اولب عطشانه گوره
الی الدن اوزولن خُردا جیـرانـه گوره
آتش عشقی آنام سینه‌ده یاندیردی حسین
منه اَوَّلده سنون مِهـروی آندیـردی حسین
باشیوا قنداقیمی گونده دولاندیردی حسین
دیدی ای یار حسین یار و دلدار حسین
اولاجاقسان گـوزلیم سن علمدار حسین
کربلا زمزمه سی - فرهاد فکری
