گـل حسین یخـدیلا سقّـانی یره
تـوکـولـور پیکـریمـون قـانی یره
ره چاره آزالوب باشیم اللرده قالوب
منی درک ایله آقا، جان وئرورم
جـانیمی دینمه قــربان وئرورم
نخل اسلامه بوگون قان وئرورم
قلبیمی لاله کیمی داغلامیشام
سنون احوالوه چوخ آغلامیشام
من غریبم سنه دل باغلامیشام
الیـم اولسیدی گلن وقتیــده سن
اتگونــدن یاپیشاردیـم گنـه مـن
بیلمورم کیمدی گئدن کیمدی گلن
یـاده سال لحظـۀ آخـرده منـی
سالدی دردون گینه بیردرده منی
ئـولـدورللــر آقــا اللّــرده منی
گیتدی سو مشکیده نم قالمیاجاق
یئرده بـو مشگ و علم قالمیاجاق
سنی گـورسم منه غـم قالیماجاق
گل آقا ظِلّ هُمـا سال سریمه
یوخ امیدیم کسیلن شهپریمه
وُرمادیم سو قـوریان لبلریمه
منی دشمـن ائله بیر حاله سالوب
گُلِ عمـروم صولوب الان سارالوب
من هله هیچ، علمون یرده قالوب
کربلا زمزمه سی - رسولی
