استمداد حضرت قاسم ابن الحسن علیه السلام
آلوبدور دوره‌می لشگر منه امداد ایدن یوخدور
اولوبدور پیکریم پـرپر منه امداد ایدن یوخدور
عمو عمو عمو حسین جان
کسیلدی طاقت وصبریم یامان درده دچـار اولـدوم
گـوزل آهـو کیمـی صیّـاد بی‌رحمـه شـکار اولـدوم
یخلـدوم زینیــدن قانلـی تـرابــه زخمـدار اولدوم
ویرولاّر نیزه و خنجر منه امداد ایدن یوخدور
یخلدیم قانلی تپراقه یارام چوخ دوشموشم دلدن
عمــو گَل تـازه دامـادون قوتـار چنـگال قاتلـدن
اگـر سن گلمسـون قورتارمارام مـولا بو مشکلدن
وجودیم قاندی سرتاسر منه امداد ایدن یوخدور
ائشیتدی خیمه‌دن شاه جهان سسلندی جان گلدیم
دیمـه بی یــاورم ایتمـه یـوزه اشگـون روان گلدیم
داخی الـدن گیدوبـدور طـاقتیم قـدی کمان گلدیم
ائشیتدی ناگران سسلر منه امداد ایدن یوخدور
اَسـوب باد ستم بیربیر گُل حق ظلمیله سولسون
مناده آز قالوبــدور گوزلـریم القانیلــن دولسون
عمو گَل قویما یرده قانلی نعشیم پایمال اولسون
سنی قانلی گوزوم گوزلر منه امداد ایدن یوخدور
کربلا زمزمه سی - نوازی
