زبان حال امام در بالین حضرت قاسم علیه السلام
ای کـربلانون تشنه لب قربانی قاسم
صحرای عشقین یاره‌لی طرلانی قاسم
یاتما یارالی دور گیدک زهرا مارالی دور گیدک
ای وای عزیزیم- لای لای عزیزیم
ای وای بُولوبدی بـاشوی خنجر عزیزیم
جسمون اولوبدی گل کیمی پرپر عزیزیم
گَل سینمـون اوستون ایله بستر عزیزیم
لای‌لای دیوم یات آغلادوم زهرانی قاسم
یاتما یارالی ...
گوزدن آخان مرجان‌لاری زهرایه سای ویر
قلبیم سینقدی سسلینده بـاری هـای ویر
قانلی دوداقـوندان منه بیر بوسه پای ویر
اولسون او بوسه اکبرین احسانی قاسم
یاتما یارالی ...
سینونـده اوخـلار یاره‌سی کندویه بنزر
چشمان مَستون نـرگس جـادویه بنزر
قـاشـلارون امّــا خنجـر هِنـدویه بنزر
تحت الحمایه ساخلیوب مژگانی قاسم
یاتما یارالی ...
تنـگ ایـلـدون میـدانــی اَرذل اشقیـایه
دیـن رســول اللّهــه قانـون ووردی پایه
قرآنــی تضمیــن ایلــدون سـن آیه آیه
پاینده قانون ایلدی قرآنی قاسم
یاتما یارالی ...
شاهنشهین اُردوده قلبین غم سیخاندا
فخـر ایلیـر افسرلری فاتــح چیخانـدا
باشیـم اوجالـدی ازرقی آتـدان یخاندا
ای مجتبانون قهرمان اصلانی قاسم
یاتما یارالی ...
کربلا زمزمه سی - غفاری اردبیلی
