سنه بو لیلی‌نون جانی فدا علیِّاکبریم
دوباره بـوینوما الـون دولا علیِّاکبریم
فلک جهانداهیچ کسی گوروم بوحاله سالماسون
جـوان بالاسنی فلک اونــون الینـدن آلمـاسون
نه حاله قالسا یوخ سوزوم ولی بوحاله قالماسون
چتین بو حالته دوزر آنا علیِّاکبریم
ویــر اینــدی منلـه ال اَلـه آنـا بـالا ایاخلاشاخ
شیرین دیلیله صحبت ایت خیامدن اوزاخلاشاخ
سالاخ گچین ایلی یادا بیر آز گولوب بیر آغلاشاق
حسین یانوندا ایلورم حیا علیِّاکبریم
نه قدری وقت تنگ اولـور نفس دوشـور شمارشه
اورک گلـــور تلاطمــه گلــــور گوزومــده بارشه
سینـیــدی گــردش فـلک او دوشمییدی گردشه
باتوبدی غم هواسینه سما علیِّاکبریم
سالیـــدی جانیمـــه فلک او گوزلـــرون قاداسنی
محــال یوسفـــه ویـــرم فقـط گـــوزون قراسنی
اجــازه وئــر اپـــوم اوغــول ایکـی قاشون آراسنی
وگرنه اولمارام بیله رضا علیِّاکبریم
قـرا گونونـده سن منیـم ایشیق سراجیم آی بالا
آدوم سـانم دادیم دوزوم باشیمـدا تاجیم آی بالا
بـو غملـی وقتتــده اولا چتیـن علاجیـم آی بالا
منی بو لحظه ایتمه‌سن رها علیِّاکبریم
کربلا زمزمه سی - تمدّن زنجانی
