ایاقـه دور یاتما اوغول علی‌اکبر
حسینی آغلاتما اوغول علی‌اکبر
گوزلریمین ضیـاسی سن‌سن علی
زندگیمین صفـاسی سن‌سن علی
جان علی جان اوغول علی‌اکبر (3)
غریب و بی‌یارم یوخومدی بیرغمخوار
آلوبدی اطرافی جفائیلن اشرار
آغلیورام من که سنـه اوغلوم
کوفـه لیلر گولور منـه اوغلوم
سولوبدی رخساریم سارالموشام اکبر
غم فراقیندن قوجالموشام اکبر
دور آتـاوین یـاپیش الینــدن علی
چون قوجالوق امیدی سن سن علی
حسینی مین درده سالوب سنون دردون
قراریمی اَلدن آلوب سنون دردون
گوزلرون آچ حسینه ویرسس اوغول
دشمـن آرا قالوبدی بـی‌کس اوغول
خیامیده ایندی رقیّه یول گوزلر
آخار گوزوندن یاش علی علی سسلر
دور گیدک ای نبی نشانی علی
تپراقـا سرمیشم عبــانی علی
کربلا زمزمه سی - حبیب
