سـالدیـلار کـاروانین زنگینی سسـدن
اصغره لای‌لای چالان دوشدی نفسدن
صـد آه و نـالـه ئـولـدی سـه سـالـه
لای‌لای رقیه شیرین دیل بالا لای‌لای
گـوردی آتـاسیـنی رویــاده رقیه
دوردی یوخودان گلدی داده رقیه
عمه سین چاغوردی امـداده رقیه
بابام عمه جان بوردیدی الآن
صدقلین باباسین سسلوب یانه‌یانه
آلـدی نتیجـه نیمه‌شـب او دردانه
آتـا بـاشیندان ایشیقلانوب ویرانه
عرض ایلوب اوندا خوش‌گلدون بابا
تای توشلاریم چوخ طعنه ویروب بو زاره
گـه بیـچــاره دیوبلـر، گـه بختی‌قــاره
گلسـونلـر گـورسونلر کیم گلوب دیـداره
امـامیم گلـدی ئـورک دینجلدی
بابا بابا دیـوب عشقی گلـوب جوشه
ایستوب آلا، آلانمّـوب بـاشی آغوشه
بیر اُپوش آلدی، ایدیب قبرینه توشه
کامـه چاتوبدی راحت یاتوبدی
اجـل چنگین رقیـه عمـرو‌نـه چالدی
اصغره لای لای چالانون جانین آلدی
ربابین وجـودینه بـو غـم اود سالدی
باشلوبـدی شیون الله نیلـوم من
کربلا زمزمه سی - حیدری
