آلموشام باشون قوجاقه آی بابا
آغلارام سن تک قوناقه آی بابا
گونـدروبلر بــو گجـه بـاشـون منه
رنگ و بو وئردون بو پوزقون گلشنه
وار یـری قـربـان اولا جـانـیـم سنه
جان یتوب ایندی دوداقه آی بابا
بـوسـه ویـرّام لبلـریــوه آغـلارام
معجـریمله باش یـاراوی باغـلارام
من سنی بو سینم اوسته ساخلارام
قویمارام گوزدن اوزاقه آی بابا
مـن قفسـده قالموشـام بلبـل کیمی
سولموشــام ویرانـده سنبـل کیمـی
بیر گونوم باشه چاتوب بیر ایل کیمی
یانموشـام نـار فراقـه آی بابـا
بـو گجه یاری ایدوب بختیم منه
غصه‌لی سینم اولوب تختیم سنه
حـالیمی ایلـور بیـان رَختیم سنه
کیـم ویرار سیلی اوشاقه آی بابا
ویـردولار قمچـی باشیمدان آغلادوم
آیری دوشدوم قارداشیمدان آغلادوم
بهـره آلـدوم گـوزیاشیمدان آغلادوم
گوزلریـم بنـزور بولاقـه آی بابا
دیدیمـه عبـاس عموم گلمور نیه
اللریلـه اشکیمــی سیلمــور نیه
قالموشـام ویرانـه‌ده بیلمـور نیه
باخمـوری پوزقتون اطاقه آی بابا
سن طبقده بـس نیـه گلدون بابا
جـان وئرور نازلی قزون بلدون بابا
من ئولیدوم، سن نیه ئولدون بابا
گلمییـدوق کـاش عـراقه آی بابا
ایستمـردوم بیرگونی سنسیز قالام
گون سایاردوم عطریوی بیرده آلام
آچ لبون بیریول دینـن نازلی بالام
آل گُلـون سنـده بوداقـه آی بابا
کربلا زمزمه سی - ناطقی
