لای‌لای پـریشان اصغریم
قنداقـوه آز چــال الــون لای‌لای لب‌عطشان اصغریم
آهــوی نـــالان اصغــریم
لای‌لای بالا لای‌لای بالا (2)
سویوللارین دشمن‌کَسوب آزآغلا تاب‌ایت دُؤز بالا
قلبونده کی سوز عطش اولمش یانار بیـر کوز بالا
یوخدور دیلون اما دیور دردون بویورقون گوز بالا
یورقون گوزه اولسون گوزوم هر لحظه قربان اصغریم
چنگ‌آتما خالی دوشلره صودیوخدی‌قلبون‌قان اولار
بیـر جـرعـه سـو اولسـا اگـر سرچشمۀ سینم دولار
نـه قـان اولار قلبیـم منیــم نـه غنچۀ نـازیم سولار
نیلوم ولی افسوس اولا یوخدور سو الآن اصغریم
تاب ایت سحر اولسون علی شاید خیامه سو گله
بو مشگلون تـز حل اولار بیـر جرعه سو گلسه اله
امـا چتیـن ویرسونله سو نهر اوسته اولسا حرمله
بیر گوز ایکی قول آلسادا ویرمز او نادان اصغریم
قـوی معجریمله اشگـوی آهستـه من پاک ایلیوم
سن آغلامـا مـن آغلیـوم دنیانـی غمنــاک ایلیوم
اشگیمله سولموش لبلرون بیر لحظه نمناک ایلیوم
گر ایتمسه لعل لبون گوز یاشی سوزان اصغریم
کربلا زمزمه سی - هادی اردبیلی
