ای گل خوشبو صودامر آهو ملر بالام لای‌لای
دوشلیگون اوغلوم قانه باتوب سربسر بالام لای‌لای
یاروی گیزلت باری رقیّه گورمیـه تـلّ اوسته
گورسه عذاره اشکینی گـوزدن الـر بــالام لای‌لای
ای گل پرپر علـی اصغر خداحافظ
آلتی آیلیق مـه لقا دلبر خداحافظ
آپاردوم اوغلوم آلام سو بلکه سنه بو لشکردن
اوتانمــادی حرملـه ولـی حضـرت پیمبردن
سه شعبه پیکانیلن آیوردی باشـوی پیکردن
ننون ربابین قدین بو محنت اگر بالام لای‌لای
دگنده پیکان باخوب منه گل کیمی گولومسیندون
نه قاتلونـدن گلایـه ایتدون نـه آغلادون دیندون
فقط گورنـده بـوغـازدا پیکانی اوندا دیسگیندون
ملکلـره ایلیـر بو ماتـم اثـر بـالام لای‌لای
چکوب او تیری یاروندان اوپدوم دوداقیم‌ایسلاندی
دوداقلاریم ایسلانوب ولـی قلبیمون بـاشی یانـدی
او قــان عزیزیـم ستــون ارکـان دیـن و قرآنــدی
اولوبدی قانون سپاه دینه سپر بالام لای‌لای
دیدیم خدایا قبـول ایله آخرین شهیدیمدی
بو تشنه قربان منیم ادبلی گوزل مریدیمدی
اولار شهیدیمدیلر ولی بـو اوشاق امیدیمدی
گلوب بو سس‌عرشیدن دینن بختور بالام لای‌لای
کربلا زمزمه سی - غفاری اردبیلی
