ای کربلانون صـود امـر جیرانی اصغر
اَمدون عطشدن زهریلی پیکانی اصغر
بیر دست خالی بندیم سندن اوغول شرمندیم
ای وای امیدیم لای‌لای شهیدیم
بـاشون سینمده قـالدی پیکـاندان یاپیشدیم
چکـدیم بـوغـازوندن اوخـی یاندیم آلیشدیم
کوسموشدون ئوپدوم یارووی سنلن باریشدیم
گویا زیارت ایلدیم قرآنی اصغر
قالدی سینمده سوزلریم قربانون اولسون گوزلریم
قانون بوغازونـدن توکولدی اولدی جاری
سس گلـدی بو قانین منم قیمت گذاری
تو کدون قالا عرش اوسته قانون یادگاری
ویـردیم امـانت عـرشه مظلوم قانی اصغر
زهرا ننم دل داغلادی باخدی مَلکلر آغلادی
الان سنـی گوزلـور ننـون بیچـاره آغلور
لای لای دیوب هی ترپدور گهواره آغلور
جیـران رقّیم گوز تیکوب یـوللاره آغلور
گـوزدن توکـور دامـانینه دریـانی اصغر
ناز ایلمه سن چوخ منه ای‌کاش دگیدی اوخ منه
واردور یری تیر و کماندان چیخسا فریاد
بو رسمیدور وورمـازسوسوز آهونی صیّاد
ووردی منیـم جیـرانیمی بیر خانه بر باد
آغـلاتـدی جنّتـده ننـم زهـرانـی اصغر
گیت جنّته بیر باش اوغول اول محسنه یولداش اوغول
یاندیـم کمکسیـز آتش درد و بـلاده
ای کاش ننم زهـرا اولیـدی کـربلاده
قویمازدی اوغلیـن بی‌کمک روز عزاده
اشکی اولاردی دردیمون درمانی اصغر
الدن دوتانیم یوخ منیم ایلیور شماتت دشمنیم
کربلا زمزمه سی - غفاری اردبیلی
