گَل زینب آپار اصغریم القانه بویاندی
گوزلور آنـاسی خیمه‌سـراده نگراندی قماطی دولی قاندی
بالام قـانه بـویاندی
علی اصغریم ئولدی
گـل اَحمریم ئولدی
اوچ‌شعبه اوخی حـرمله چون قـویدی‌کمانه
چکـدی زهـی آتـدی هدفـه اولــدی روانه
پیکـان پـر آچـوب باخدیم اونا من یانا یانه
اوخ سرعته میندی باجی قلبیم باشی یاندی ایدوب فـوری نشانه
یـری یـوخدی بیانه
قاتوب اشکیمی قانه
بالام قـانه بـویاندی
اوخ گلدی هواده دایـانـوب سسلـدی اصغر
آچ گــوزلریـوی خـوابیـدن ای غنچـۀ اَحمر
اوخ‌دگـدی بـاجی پارچالانوب خرداجا‌حنجر
دیسگیندی علی خوابیدن اول وقته اویاندی اویان ای گلِ پرپر
گوزل آهـویـا بَنزر
آچیلـدی آلا گوزلر
بالام قانه بویاندی
گـل غنچه‌سی تک‌سـولدی بالام‌گل بوداقیندا
ایثــار ایـلـدی دینینـه جـان خـردا چاقیندا
کیمدور بالاسی جان ویره من تک قوجاقیندا
نـالـم بــاجی جـان گور نجه افلاکه دایاندی قالوب قان دوداقیندا
سولوب گل سایاقیندا
گـزه ســو سـراقیندا
بـالام قـانه بـویاندی
گَل آل الیم اوستن باجی بـو تشنه فدانی
میدانیــده ویــلان گــزورم ظهـر زمانی
گورسه آناسی یاندیراجاق کــون و مکانی
اخـیامیـده بیلّـم که یقین شور و فغاندی الیمدن یـوخ آلانی
الیمدن یـوخ آلانی
الیمدن یـوخ آلانی
بالام قـانه بویاندی
کربلا زمزمه سی - مظفری
