زینبون گلدی سفردن یارالی
باجـوی سالما نظردن یارالی
هله دنیـاده سـاقـام
دور منیم‌گوگلومی آل اربعینــه قوناقــام
قولوی بوینوما سال
بـو بیابانـدا اوگونـدن که حسین
آیـری سالـدی منـی اعدا سنیلن
حفظ ایدوم قزلاروی صبح و مسا
ائتمیشم جنگ و جـدل دشمنیلن
قبریوه هامّی گلوب بیـرجـه فقط
گلمـدی نـازلــی رقیّــون منیلن
قارداش عفو ایله منیم
عمّه‌سیـن تـرک ائلدی صبریمی آلدی بالون
شامده قالـدی بالون
سولدوروب دست خیانت گولومی
قــورودوب بــاد ستــم سنبلمـی
تـاب ایدنمـز اوجا داغـلاردا منیـم
حمـل ایـده بـاشه گلَنَ نسگلیمـی
چکدیلـر داره عنـاد اهلـی حسین
شـامــده نغـمـه‌ســرا بلبلـمــی
گـل کیمی سولدی بالام
باشیوی طشتده گوروب ابرتـک دولـدی بـالام
غصّه مرگ اولدی بالام
سن حسین دوزمزیدون لحظه منیم
بـاخـاسـان گوزدن آخان گوز یاشیما
فخـر ائـدردی هـامــی دنیـاده منه
منـده سـن تک بیـر عزیز قارداشیما
ایندی دور بـاخ گوزیمین قان یاشینا
بـوکـولـن قَــدّه، آغـارمیش باشیما
قلبیمی غصّـه یاریب
اوجـا قـدّیـم اگلوب جان بدنده قوتاریب
قـره ساچلار آغاریب
دوشدی قلبیـم گینـه رنـج و محنـه
سسلدیم تیـز یتیـش امــداده نه‌نه
چـوبــۀ محملــه ویردیـم باشیمـی
قان سوزوب چهره‌دن اوخشاندی سنه
گلَنـیـم اولمـادی نــه بلـکـه حسین
ال چـالـوب کوفه‌لیلــر گولــدی منه
نـه باشیـم باغلادیـلار
بوینی چگنینده باخوب نه ئورک داغلادیلار
قیـزلارون آغلادیلار
کربلا زمزمه سی - چوپانی
