اوغلوم گوز آچ درده دل طاهانی گتدون
خولـی ایوینـه عـاقبت زهـرانی گتدون
ای نور عینیم بی کس حسینیم
آچ گـوزلـرون بـومـادر نالانـی دیندیر
دشمن ایوینده خستۀ هجرانی دیندیر
پهلوسی ظلمیله سینان زهرانی دیندیر
دشمن ایوینـه جمله‌ی حورانی گتدون
درد و بلا سالدی بیزی بنـده اوغولسوز
گل یوزه‌یوزه با هم‌قویاخ منده‌اوغولسوز
منده اوغولسوز آی بالا سنده اوغولسوز
درده بـو ماتمـده دل زهرانـی گتـدون
گلـدیـم گلنده مقتـل خونبـاری گـوردوم
یولدا دوشوب قانه باتان قوللاری گوردوم
نهر اوسته قـولسوز پیکر سرداری گوردوم
بـو غصـه‌دن فریـاده سـن دنیانی گتدون
بیر یاندا گوردوم عونیله جعفر یاتوبـدی
قانلـی عبـاده خیمـه‌ده اکبـر یاتوبـدی
سینونده فکر ایتدیم علی اصغر یاتوبدی
میدانـه الـده تشنـه لب قربانـی گتدون
زینـب غمـونده بـاشینه قاره سالوبدی
درد فراقـون چـاره‌سین الـدن آلوبـدی
مقتلده چوخ دشمن او زاره اَل چالوبدی
میدانـه چکـدون زینب گریانـی گتدون
کربلا زمزمه سی - فرهاد فکری
