تنور خولی لعنت الله علیه
بو گیجه وار آیری بیر غوغا تنور خولیده
اوغلونـا ماتـم قوروب زهرا تنور خولیده
فاطمه قان آغلیور عرش سبحان آغلیور
اوخشیوب آغلور دیورای‌جان ویرن عطشان حسین
بـو لـب عطشـانیـوه اولسـون آنـان قربان حسین
وی لـب دریـاده عطشان ذبـح اولان قربان حسین
آچ گوزون گلدی آنان زهرا سنه مهمان حسین
تک نه زهرا باغریقان حوّا گلوبدور یاسیوه
دیـده گریان مریم و سارا گلوبدور یاسیوه
فـوج حورا دیلده واویلا گلوبـدور یاسیوه
شور عاشورا اولوب احیا تنور خولیده
نوح ایدور نوحه هـراسان آغلیور دل آغلیور
گوزیاشین رخسـاره داود و سلیمان باغلیور
یـوسف زهـرا سنـه، یعقـوبیلـر قـان آغلیور
باشلیور غم نوحه‌سین زهرا تنور خولیده
ای قفادن ذبح اولان باش فاطمه مه پاره‌سی
ایلیـن اوغلـی ئـولـن زهـرانی ئوز آواره‌سی
آه و واویلا کـه الـدن گیتدی زهـرا چاره‌سی
وای منه وای زینبه، آنیندا وار داش یاره‌سی
ای عـزیز فاطمه کیـم سالدی بو حالـه سنی
تشنـه ئولدوردی سنی شاد ایلدی اهریمنی
چوللره سـالدی غمونده زینب غمدیده سنی
گتدی خولی مطبخینده یاسیوه آخر منی
کربلا زمزمه سی - جاهد
