حلقینی بیچـن پیکان لای‌لای اصغریم لای‌لای
اوخشـارام سنی هرآن لای‌لای اصغریم لای‌لای
لای‌لای اصغریم لای‌لای
دویمادیم علی سنـدن آیریلیق فلک سالدی
آغـلارام یانـا یانـه بوش بشیک منه قالدی
اوخ یاران اوغول مندن طاقت و توان آلدی
یاروه جانیم قربان لای‌لای اصغریم لای‌لای
اولمـادی سنـه چـاره غنچه گل کیمین سولدون
قـرمیـزی قانـا باتـدون سن فدای دین اولدون
سن عطشدن آغلادون گه بولوط‌کیمین دولدون
قالموشام اوغول گریان لای‌لای اصغریم لای‌لای
حـرملـه گـوروم یـانسـون قلبیم اودلارا یاندی
هم قوناقیدون عطشـان کیـم دیـر او انساندی
اوخ بـوغـازیوی بیچدی وای نه غملی دوراندی
قانیوه ایدوب غلطان لای‌لای اصغریم لای‌لای
سـن اوخـا نشـان اولدون باشیمه قراسالدیم
گیتدی خـوش گونوم الدن قاره گونلره قالدیم
منده قانلی قونداقدان گل تک عطریوی آلدیم
اولمادی سوایچدون قان لای‌لای اصغریم لای‌لای
سـن آتـان قوجاقینـده تندن آیرلوب جانون
گویلـره صفـا ویـردی حلقیدن آخـان قانون
باشیمی اوجاتدون سن زنـده قالـدی قرآنون
حلقینی بیچن پیکان لای‌لای اصغریم لای‌لای
کربلا زمزمه سی - صفائی زنجانی
