الیمین اوستـونده
گَل آل مندن زینب
بـویـانوبدور قـانه
ربـابـون ششماهه بالام قانه باتدی
سوسوز طـرلانی
گویرچینلر مثلی
گـوزل جیـرانی
آناسینـدان آلـدیــم آپاردیــم میدانـه
دیدیـم آی انسـانـلار بـالام عطشاندی
گُلـه بنـذر اوغلـوم سـارالوبـدی رنگـی
سوسوزدی اوچ گوندی عطشدن یاندی
سوزومی آغزیمدا سه پـر پیکان قویدی
بـوغازینـدن دگـدی آیــوردی بـاشین
ایلـه بیلدیـم زینب ابوالفضلین بیـرده
منیـم ئـوز یـانیمـده گـوزی اوخلاندی
قـوجاقیمـدا باشیـن اَوَل دوتـدوم آرام
صـورا محکـم اوخدان یاپیشدیم زینب
بوغازینـدان چکدیـم سه شعبه پیکانی
یاراسینـدان ئوپـدوم آلیشدیــم زینب
گوزین آچدی‌گولدی دیدی‌غمگین اولما
سنـه قــربـان بـابـا یــارالی اوغلــون
ایلـه بیـل کوسمیشدی ربابین جیرانی
دوداقینـدان ئوپدیـم باریشدیـم زینب
بو غمی داشلاردا یـازاردیـم صحراده
اَلیمــده میدانــدا قلـم اولسیــدی
الیمون اوستوندن آلاردی زینب جان
بـو اوخلـی قربانــی ننـم اولسیـدی
گــزورم آواره ئـولوبـدی قارداشیــم
گولـور دشمن نیلوم علاجیم یوخدی
بو چتین ساعتده منی تک قویمازدی
اگـر الان صـاحب عَـلَـم اولسیـدی
ایله کی‌گوز یومدی‌دیدیم لای‌لای اوغلوم
بـاجـون گـوزلـور الان یـوبـانسون آغلار
یـارووی آهستـه آچـار باشـدان معجـر
دیـــر لای‌لای اصـغــر رقیّــم بــاغـلار
ئـورگیمــدن امـا دگوبــدی بیــر یـاره
تــاپـولمـاز درمــانی یـارام باغـلانمـاز
بـو یـارالـی قلبیـن بـاجیـم محمللـرده
دیـر یاندیم قـارداش عــزاسین ساخلار
کربلا زمزمه سی - غفاری اردبیلی
